Вештачката интелигенција сè повеќе влегува во онлајн-купувањето, а трговците се подготвуваат за промена во која АИ асистентите ќе можат да препорачуваат производи, да избираат продавници и да иницираат плаќања во име на корисниците.

Холандската платежна компанија „Адјен“ предупредува дека ваквиот начин на купување може да ја ослаби директната врска меѓу продавниците и нивните клиенти, особено ако потрошувачите почнат сè почесто да го започнуваат пребарувањето преку чет-ботови.

Коизвршниот директор на „Адјен“, Питер ван дер Дос, изјави за Reuters дека поради ова лојалноста на клиентите станува сè поважна за трговците. Компанијата веќе разви платформа која овозможува продажба и плаќање преку АИ асистенти.

„Адјен“ неодамна ги купи компаниите Talon.One, која развива софтвер за програми за лојалност, и Orb, специјализирана за наплата, со цел да ги прошири услугите за трговците.

Промената покажува како АИ постепено може да влијае и врз начинот на кој се распределуваат милијарди евра во онлајн-трговијата. Наместо купувачот сам да пребарува десетици продавници, АИ асистентот може да стане посредник кој ќе одлучува кои производи и трговци ќе му бидат понудени.