Регулаторната комисија за енергетика донесе нова одлука за цените на горивата, која ќе се применува од полноќ, односно од 00.01 часот на 5 август.

ЕУРОСУПЕР БС-95 поевтинува за два денари и ќе се продава по 91 денар за литар, додека ЕУРОСУПЕР БС-98 ќе чини 93 денари за литар.

Цената на ЕУРОДИЗЕЛ се зголемува за еден денар и ќе изнесува 99,50 денари за литар. Екстра лесното масло поскапува за 0,50 денари и ќе се продава по 98,50 денари за литар.

Мазутот поевтинува за 1,680 денари и новата цена ќе изнесува 46,419 денари за килограм.

Според Регулаторната комисија, со новата одлука просечните малопродажни цени на нафтените деривати се намалуваат за 1,24 проценти во однос на цените утврдени на 27 јули.

Со претходната одлука, ЕУРОСУПЕР БС-95 чинеше 93 денари, ЕУРОСУПЕР БС-98 95 денари, а дизелот 98,50 денари за литар.