Вицепремиерот Александар Николоски на 25 годишнината од потпишувањето на Охридскиот рамковен договор најави дека деновиве ќе започне изградбата на автопатот Скопје - Блаце.

„Денеска државата се гради да биде пропсеритетна преку силни инвестиции во инфраструктура, здравството, во образованието. 

Градиме модерна инфраструктура:

За некој ден ќе почнеме да го градиме автопатот Скопје – Блаце.

Интензивно се гради Тетово – Гостивар и Гостивар – Букојчани.

Во тек на септември ќе почнеме и Букојчани – Кичево.

Очекувам во тек на октомври да пуштиме уште една делница од Кичево – Охрид, а веќе во првиот квартал следната година да го завршиме целиот автопат Кичево – Охрид – Струга“, објави министерот за транспорт.

Николоски додаде дека очекува во соработка со Европската Унија веќе следната година да почне изградба на првата железничка фаза Скопје - Јегуновце-Тетово– Гостивар, втора фаза Гостивар – Кичево и трета фаза Кичево – Охрид – Струга.