Пакети со храна и облека и финансиски средства, добија триесетина семејста кои неодамна беа зафатени од поплавите во  Кочанскиот регион.

Семејствата се од селата Жиганци, Чешиново, Уларци и Горни Подлог. Најмногу штета е направена на семејството Јорданови чија семејна куќа од надојдените води се урна.

На Јорданови досега им е донирана помош од Општина Кочани, од Општинскиот Црвен крст како и од Владата, а денеска им беше донирана помош во градежен материјал за обнова на семејниот дом што преку донација го обезбедија учениците од Средното општинско училиште „Ѓошо Викентиве“ од Кочани.