Собранието вечерва ги усвои измените на Законот за задолжување на државата кај Меѓународната банка за обнова и развој – Светска банка по Договорот за заем за финансирање на Проектот за градење ефективни, транспарентни и отчетни институции за управување со јавните финансии, како и Законот за задолжување по Програмската рамка за подобрување на јавните расходи, отчетноста и даночната администрација, двата по скратена постапка.

Заменик-министерот за финансии Николче Јанкуловски, образложувајќи го предлог-законот, посочи дека со него се затвора постојана заемска рамка од 20 милиони евра и се отвора нова од 25 милиони евра, со цел подобрување на јавните расходи, отчетноста и даночната администрација.

Заемот од 25 милиони евра е со рок на отплата од 12 години, со вклучен грејс-период од 3 години и варијабилна каматна стапка заснована на шестмесечен ЕУРИБОР.