Најголемата европска економија е пред рецесија,  по што должничката криза во еврозоната ќе се прелее и во 2013, велат резултатите од анкетата на Блумберг. Во моментот кога европските лидери го слават најновиот пакет мерки за ублажување на грчките проблеми, 53% од 862 инвеститори, аналитичари и брокери прогнозирале дека германската економија ќе влезе во рецесија, првпат по три години. 64% сметаат дека кризата во Европа ќе се продлабочи и покрај индикаторите за смирување на финансиските пазари. Ако дојде до забавување во Германија, ќе згасне моторот на побарувачката за целиот континент што веројатно ќе ја продлабочи кризата.