Локалниот жител кој беше повреден вчера во обид да ги спаси куќите од пелагониското село Лознани од надоаѓањето на пожарот е испратен на домашно лекување, откако беше пренесен во битолската болница.

- Лицето кое вчера беше однесено на доктор со изгореници на рацете по лекарскиот преглед е пуштено дома бидејки не биле констатирани изгореници за кои е потребен медицински третман, објави Стојанче Ангелов, директорот на Дирекцијата за заштита и спасување.

Пожарот во Лознани беше локализиран синоќа по повеќечасовна битка со огнот кој се закануваше да ги зафати и куќите во селото, како и да се прошири во Ивањевци и Новоселани. Во гаснењето беше вклучено локалното население, доброволното друштво „Архангел“ со 20 доброволници, Битолската противпоажрна единица и 4 „пинцгауери“ на Дирекцијата за заштита и спасување.