ДА И ПОМОГНЕМЕ НА МАЛАТА НИНА: времето истекува, без помош може да биде предоцна
Нина е дете кое секој ден го живее во болка. Нејзината состојба поради болеста се влошува, телото слабее, а ризикот од неповратни последици расте.
Лекарите се јасни – нема време за чекање.
Постои шанса за лекување во САД што може да ѝ го промени животот, но без потребните средства, таа шанса исчезнува.
Потребни се најмалку 100.000 евра, а значителен дел од сумата сè уште недостасува.
Ова не е обичен апел.
Ова е трка со времето.
Да помогнеме едно мало дете да порасне. Да ѝ дадеме право на живот без болка.
Медиуми, јавност – Ве молиме објавете и споделете.
Секој ден доцнење значи помала шанса за Нина.
Да не дозволиме болката да победи.
Да не дозволиме да биде доцна.
Благодариме на сите кои ќе придонесат за спас на нашата НИНА.
Ова го посочува семејството на малата Нина Димитриевска, особено нејзината мајка Славица Димитриевска, која бара помош за своето девојче и апелира за масовно споделување на објавата за помош, или за донации со цел обезбедување на потребните средства за лекување во САД.
За малата Нина од струмица подолг период се шират апели на социјалните мрежи за помош.
Овој пат нејзиното семејство упати емотивен апел до јавноста, барајќи помош за обезбедување на 100.000 евра неопходни за итната операција во Соединетите Американски Држави.
Според семејството, престојот во Америка им донел конечно јасна дијагноза. По извршените детални испитувања, лекарите успеале прецизно да го утврдат изворот на болката што долго време ја мачи Нина. Таму била извршена и една успешна операција, со која биле ослободени засегнатите нозе, а медицинскиот тим постојано бил достапен за семејството и внимателно ја следел нејзината состојба.Сепак, главната операција, која е клучна за целосно решавање на здравствениот проблем, не можела да биде реализирана поради недостиг на финансиски средства. Поради тоа, семејството било принудено да се врати во Македонија.Во меѓувреме, здравствената состојба на Нина дополнително се влошила. Освен што секојдневно се соочува со силни болки, таа често е настината и повторно завршува на болнички лекувања, поради што семејството предупредува дека ситуацијата е сериозна и бара итна реакција.Лекарите предупредиле дека доколку операцијата не се изврши навреме, постои ризик од сериозни компликации и развој на артритис, што може трајно да влијае врз нејзиното здравје и иднина.За да може воопшто да се закаже оперативниот зафат, најпрво треба да се обезбедат потребните 100.000 евра. Затоа, семејството упатува искрен повик до сите хумани луѓе – секоја донација, без разлика на износот, како и секое споделување на апелот, може да биде чекор поблиску до спасување на Нина.
Слично
Поврзани вести
