СДСМ ПОДНЕСЕ КРИВИЧНА ПРОТИВ КЛЕКОВСКИ

Опозициската СДСМ поднесе кривична пријава против министерот за здравство Сашо Клековски, директорката на ИЈЗ Марија Андоновска, Директорот на државниот санитарен и здравствен инспекторат Кирил Лазов и директорот на центарот за јавно здравје Шпенди Амери, поради, како што наведуваат, системски пропусти и непостапување во врска со загадената вода во Гостивар.

Од ВМРО-ДПМНЕ пак го повикаа обвинителството да истражи зошто како што тврдат во времето на СДСМ се молчело за неисправноста на водата.

ВЛАСТА И ОПОЗИЦИЈАТА СЕ СКАРАА И ЗА ЗНАМЕТО КОЕ СЕ КОРИСТЕШЕ НА ПРОСЛАВАТА ВО ОХРИД

Во Охрид синоќа, на стадионот „Билјанини извори“, се одржа големиот музичко-сценски спектакл „Силно светнал ден“, организиран по повод одбележувањето на 35-годишнината од независноста на Македонија, но на сцената македонското знаме наместо осум имаше 12 краци.

ГОРИВАТА ПОЕВТИНУВААТ 

Регулаторната комисија за енергетика одлучи да ги намали цените на нафтените производи, со одлука што ќе стапи на сила од 00:01 часот на 11 август 2026 година.

Промените се:

-Бензин Еуросупер 95: се намалува за 4 денари/литар → 87 денари/литар

-Бензин Еуросупер 98: се намалува за 4 денари/литар → 89 денари/литар

-Еуродизел: се намалува за 8 денари/литар → 91,50 денари/литар

-Екстра лесно масло EL-1: се намалува за 6 денари/литар → 92,50 денари/литар

СТРУМИЧКИТЕ ЗЕМЈОДЕЛЦИ ПАК ПРОТЕСТИРАА

Земјоделците од Струмичко и денеска повторно излегоа на протест, незадоволни од откупната цена на црвената пиперка позната како „ајварка“, која најчесто се користи за подготовка на ајвар.

Како што објави „Струмица Денес“, производителите бараат повисока откупна цена, посочувајќи дека сегашните услови не ги покриваат вложувањата и трошоците за производство.

КАТАСТРОФАЛЕН ЗЕМЈОТРЕС ЈА ПОГОДИ КОЛУМБИЈА

Силниот земјотрес што денеска ја погоди Колумбија одзеде 111 животи, објави претседателот Абелардо де ла Есприела.

Претседателот рече дека најмалку 87 лица се повредени, а 61 зграда се урнала, вклучувајќи 37 станбени згради.

ЧИТАЈТЕ УШТЕ

Една од нашите најистакнати компании во областа на прехрамбената индустрија „ПИ Кристал 1923 АД Велес“ ги заврши првите шест месеци од годинава со негативен финансиски резултат, покажува последниот финансиски извештај објавен на Македонска берза.

Дрворедите се неопходна зелена инфраструктура за климатски отпорни градови, велат од Центарот за климатски промени и додаваат дека постојат неколку видови на дрвја кои може да се засадат во Македонија и да го дадат посакуваниот ефект. 

Владата со издадена државна гаранција на седница на 4 август му одобри на јавното претпријатие „Државни патишта“ да се задолжи уште 40 милиони ерва кај Комерцијална банка и кај Халк банка преку синдициран кредит.

„Тинекс“, според информациите до кои дојде „Фактор“, во иднина ќе ги води своите маркети во партнерски договор со косовската компанија „Интерекс“.

foto Gemini