ФАКТОР НА ДЕНОТ: Народниот правобранител бара гостиварци да не плаќаат за небезбедната вода
НАРОДНИОТ ПРАВОБРАНИТЕЛ СЕ ЈАВИ СО РЕАКЦИЈА ЗА ВОДАТА ВО ГОСТИВАР
Канцеларијата на Народниот правобранител оформи предмет за загадувањето на водата во Гостивар, од кое повеќе од четири илјади граѓани побараа лекарска помош поради симптоми на труење и кожни инфекции.
Омбудсманот формираше предмет по сопствена иницијатива за да утврди како дошло до нарушување на правото на чиста вода за пиење. Побарани се информации од Институтот за јавно здравје, Општината, јавното претпријатие Комуналец и Центарот за јавно здравје.
„Во текот на вчерашниот ден добиени се писмени информации од нивна страна. Меѓутоа, истите не се целосни, бидејќи не ги содржат сите релевантни податоци и околности во врска со проблемот за загадувањето на водата. Од тие причини, Народниот правобранител ќе се обрати и до други надлежни институции, со цел да се добијат конкретни информации“, велат од канцеларијата на Народниот правобранител.МАКЕДОНЕЦ КОЈ СЕ ПОВРЕДИЛ ВО ТУРЦИЈА ЌЕ БИДЕ ДОНЕСЕН СО ВЛАДИН АВИОН
Министерството за здравство информира дека е обезбеден итен медицински транспорт за млад пациент од Македонија, кој се здобил со тешки повреди на вратните пршлени за време на престој во Кушадаси, Турција.
По итна постапка и во координација со Владата, Фондот за здравствено осигурување и Службата за општи и заеднички работи (СОЗР), обезбеден е владин авион со кој пациентот утре ќе биде транспортиран во земјава.ГАШИ РАСПИША ПРЕДВРЕМЕНИ ЛОКАЛНИ ИЗБОРИ ЗА БРВЕНИЦА
Претседателот на Собранието, Африм Гаши, денес распиша предвремени локални избори во Брвеница откако во јуни ненадејно почина градоначалникот Јовица Илиевски. Локалните избори ќе се одржат на 18 октомври.
- Денес, во согласност со Уставот, Изборниот законик и важечките закони, ја потпишав одлуката за распишување на предвремени избори за градоначалник на Општина Брвеница, кои ќе се одржат на 18 октомври 2026 година.ЧИТАЈТЕ УШТЕ
foto pixabay
Слично
Поврзани вести
