ВОДАТА ВО ГОСТИВАР ПОВТОРНО Е ЗА ПИЕЊЕ

Водата во Гостивар сега е безбедна за пиење, а неколку функционери денеска се напија вода од чешма во градот. 

Тие сакаат да покажат дека водата повторно може слободно да се користи за пиење и секојдневна употреба. 

Функционерите порачаа дека здравјето и безбедноста на граѓаните остануваат приоритет. Инаку, гостиварци со недели беа без чиста вода за пиење, откако голем број граѓани се пожалија на стомачни тегоби и се откри дека во водата имало фекални бактерии. За Скопје имаше шпекулации дека водата е неисправна, по што градоначалникот Орце Ѓорѓиевски на прес-конференција испи вода од чешма за да докаже дека таа е чиста. 

За ширењето дезинформации, полицијата повика на разговор 13 луѓе. 

Уште еден човек почина од западнонилската треска на Инфективната клиника. Станува збор за лице на возраст од 72 години. 

За една недела, ова е втор смртен случај од западнонилска треска. На Клиниката за инфективни болести во моментов се хоспитализирани 24 пациенти, од кои неколкумина се на механичка вентилација.

ПРИЛЕПЧАНЕЦ НАПАДНАЛ ПОЖАРНИКАРИ

Инцидент се случил вчера кога прилепчанец, кому му изгорела шталата каде чувал поголемо количество тутун, нападнал пожарникари кои дошле да го гасат огнот.

Директорот на Дирекцијата за заштита и спасување(ДЗС), Стојанче Ангелов вели дека кога пожарникарите пристигнале, човекот ги оттурнувал и ги спречувал да гасат. 

ЧИТАЈТЕ УШТЕ

Град Скопје ги послуша апелите од стручната јавност, особено од архитектите да ги употреби трупците од паднатите дрвја по големото невреме проследено со силен ветер за изработка на реквизити за детски игралишта,  урбана опрема и донации во огревно дрво за социјално ранливи семејства, наместо да ги фрли во отпад. Дрвото е вреден ресурс и сѐ што може повторно да се употреби треба внимателно и стручно да се обработи за да има поголема трајност.

Агенцијата за управување со одземен имот на крајот од 2025 година имала залихи на конфискуван имот вредни околу 48,9 милиони евра, покажува ревизорскиот извештај.

Косовската фирма 2хАР Доо Приштина преку оглас барала работници кои ќе работат на изградба на пречистителната станица во Тетово, иако официјално пред јавноста уште не е објавена компанијата која ќе биде изведувач на проектот, ниту пак подизведувачите и асистентите кои би работеле заедно.