ФАКТОР НА ДЕНОТ: Жена останала парализирана откако се породила со царски рез, Клековски најави вонредна инспекција
ЖЕНА ОСТАНАЛА ПАРАЛИЗИРАНА ПО ЦАРСКИ РЕЗ ВО ШТИПСКАТА БОЛНИЦА
Вонредна инспекција ќе има во Клиничката болница во Штип каде по царски рез со тешки невролошки последици остана 19 годишна пациентка.
Министерството за здравство внимателно го следи случајот со 19-годишната пациентка и е во постојана комуникација со надлежните здравствени установи.
Со цел целосно, објективно и стручно утврдување на сите околности поврзани со лекувањето на пациентката, Министерството издаде налог до Државниот санитарен и здравствен инспекторат да изврши вонреден инспекциски надзор.
ГАШИ ГО ЧЕСТИТАШЕ ИЛИНДЕН
Собранискиот претседател Африм Гаши, по повод 2 Август – Денот на Републиката, упати честитка до граѓаните, истакнувајќи дека овој празник нè обединува околу вредностите врз кои се гради и зајакнува нашата држава и нè потсетува на заедничката одговорност да ја зајакнеме со дела, визија и посветеност.
„2 Август нè потсетува на идеалите за слобода и самоопределување, поставени врз двата столба на нашата историја: Илинденското востание (1903) и Првото заседание на АСНОМ во Прохор Пчински (1944). Овие два историски настана го претставуваат континуитетот на стремежот кон држава изградена врз слободата, демократијата и одговорноста кон граѓаните“, истакнува Гаши во честитката.НЕМА НОВИ ЗАРАЗЕНИ СО ЗАПАДНОНИЛСКА ТРЕСКА
Министерството за здравство информира дека состојбата со епидемијата во Гостивар е стабилна и континуирано се следи од надлежните здравствени институции.
На 31 јули се регистрирани вкупно 60 први прегледи. Иако е забележано дневно зголемување, вкупниот тренд останува значително понизок во споредба со пикот од 18 јули, кога беа евидентирани 649 прегледи.
„Од 14 до 31 јули се регистрирани вкупно 4.543 први прегледи. Досега се примени 1.028 формални пријави за заразна болест и изработени се 730 нови епидемиолошки анкети, со опфат од 71 процент“, велат од Министерството за здравство.ВО ВЕЛЕС ДЕНЕСКА БЕШЕ НАЈТОПЛО
Во Велес денеска било најтопло.
Највисоки температури во земјава денеска во 15 часот се измерени во Велес и на мерната станица Зајчев Рид во Скопје, каде што живата во термометарот достигна 37,1 степен.
Според најновите податоци објавени од Управата за хидрометеоролошки работи (УХМР), високи температури се регистрирани и во останатите градови низ Македонија.
Веднаш зад Велес и Скопје се Кавадарци со измерени 36,8 степени, Виница со 36,4 и Демир Капија каде во 15 часот се измерени 36,2 степени.foto Gemini
Слично
Поврзани вести
