Кај дваjца стоматолози пронајдени 65.280 евра и 29.840 швајцарски франци
Министерството за внатрешни работи објави дека на 27 јули до Основното јавно обвинителство за гонење на организиран криминал и корупција е поднесена кривична пријава против три лица осомничени за кривични дела поврзани со поткуп и противзаконито влијание. Според соопштението на Министерството за внатрешни работи, обвинети се: А.Т. (27) од битолско за кривично дело „давање награда за противзаконито влијание“ и С.Ч. (56) од Гостивар за „примање награда за противзаконито влијание“ и С.Е. (63) од Скопско за „примање поткуп“.
За време на полициските рации врз второ и трето обвинетите, пронајдени и конфискувани се 65.280 евра, 29.840 швајцарски франци и 161.500 денари.
Според МВР, А.Т., како студент на Стоматолошкиот факултет, за да добие сертификат за полагање на стручен испит за здравствени работници со високо образование од областа на стоматологијата, во декември 2025 година, по неколку комуникации преку платформата Viber, му дал на С.Ч., професор на Стоматолошкиот факултет и поранешен потпретседател на Стоматолошката комора, сума пари префрлена на неговата банкарска сметка.
Според МВР, парите му биле дадени на С.Ч. за да влијае врз С.Е., во својство на претседател на Комисијата за спроведување на стручен испит за здравствени работници со високо образование од областа на стоматологијата при Министерството за здравство. МУП вели дека А.Т. учествувал во декемвриската испитна сесија, на 17.12.2025 година, пред формираната комисија и, без да ги има потребните знаења, го добил сертификатот за положен стручен испит.
Претходно Обвинителството објави дека е поведена истрага против двајца стоматолози, кои примиле мито од осомничена во случајот „Ботокс“, но без да ги наведе иницијалите и сумата на пари.
Едниот бил претседател на Испитната комисија за полагање стручен испит, а другиот претседател на Стоматолошкото друштво на Албанците. Уплатата била извршена на трансакциска сметка, но Обвинителството не објавува за колкава сума се работи.
Доказите се преземени од мобилните телефони одземени во рамки на друга истражна постапка против организирана криминална група инволвирана во нелегален увоз, дистрибуција и апликација на медицински лекови и медицински помагала, во случајот познат како „Ботокс“.
Во текот на денот двајцата осомничени ќе бидат изведени пред судија на претходна постапка при Основниот кривичен суд Скопје. Надлежниот јавен обвинител ќе предложи определување на мерки за обезбедување на нивното присуство во текот на кривичната постапка.
„Според досега прибраните докази, во декември 2025 година осомничена опфатена во истражната постапка поврзана со нелегален увоз, дистрибуција и апликација на медицински лекови и медицински помагала, му дала парична награда на првоосомничениот – доктор по стоматологија и претседател на Стоматолошкото друштво на Албанците, за тој, користејќи го своето реално и претпоставено влијание, службена и општествена положба и углед, да интервенира со цел за да се изврши службено дејствие што не смеело да се изврши.
Првоосомничениот интервенирал кај второосомничениот – претседател на Испитната комисија за полагање стручен испит за здравствените работници со високо образование од областа на стоматологијата, при што побарал од него да ја искористи својата службена положба и да ѝ овозможи на осомничената да го положи стручниот испит.
По положувањето на испитот, првоосомничениот ѝ ги доставил податоците од својата трансакциска сметка, а осомничената извршила уплата на паричен износ како награда за посредувањето. Согласно досега обезбедените докази, првоосомничениот дел од ветената награда му ја предал на второосомничениот“, соопшти ОЈО ГОКК.
Слично
Поврзани вести
