Нова царинска маржа од 15% за Кина за клучни материјали за производство на чипови, е новиот потег на американската админстрација по одмаздата на Пекинг и воведувањето контрамерки како одговор на претходните американските санкции.

Американскиот претседател Доналд Трамп синоќа потпиша извршна наредба со која се воведуваат царини од 15% за увезени производи направени од поликристален силициум, клучен материјал што се користи во производството на полупроводници (чипови) и соларни панели.

Би-Би-Си објави дека наредбата на Трамп, исто така, утврдува минимална цена за увоз за поликристален силициум и сродни производи.

Се наведува дека овој потег доаѓа по истрагата за заканата за националната безбедност во врска со материјалите увезени од странство.

Целта на Трамп е да помогне во заштитата на американските производители на чипови кои се соочуваат со зголемена конкуренција од кинеската индустрија, клучен извор на триење меѓу двете најголеми економии во светот.

Кина: Ова сериозно ја нарушува трговијата

Кинеската амбасада во Вашингтон соопшти дека потегот „сериозно ја нарушува“ трговијата меѓу двете земји и дека Пекинг ќе дејствува за да ги заштити своите компании.

Овој потег доаѓа по истрагата за заканите по националната безбедност за материјалите увезени од странство.

Целта на Трамп е да помогне во заштитата на американските производители на чипови кои се соочуваат со зголемена конкуренција од кинеската индустрија, клучен извор на триење меѓу двете најголеми економии во светот.

Британската медиумска служба потсетува дека овој потег доаѓа по другите ограничувања на САД за увоз на дронови, хуманоидни роботи и други технолошки производи од Кина, воведени минатата недела.

Кина објави серија контрамерки оваа недела, вклучувајќи построги контроли врз извозот на дронови и санкции против американските компании.

Сето ова се случува пред самитот на Трамп со кинескиот претседател Си Џинпинг, кој е закажан да се одржи во Вашингтон следниот месец.