Потврден e новиот состав на Извршниот комитет на Унијата на жени на ВМРО-ДПМНЕ. 

Претседателката на Унијата, Марија Митева вели дека станува збор за тим составен од жени со богато професионално, академско, општествено и политичко искуство.

За генерален секретар на Унијата е избрана Елена Ивановска, која во моментов ја извршува функцијата државен секретар во Министерството за образование и наука. За потпретседателки се избрани Ане Лашкоска, заменик-министерка за животна средина и просторно планирање, и Ленче Нелоска, директорка на Геронтолошкиот завод во Скопје.

Во новиот Извршен комитет членуваат и оперската уметница Ана Дурловска, доцентката и специјалист по дерматовенерологија Мирела Василева, новинарката Ана Шутиновска-Лазаревска, етнокореологот Љупка Стефановска, како и повеќе експерти, професори, лекари, правници, директори на јавни институции, пратенички и градоначалнички.

Меѓу членовите се и Марија Карапанчева, Андреа Ѓошевска, Надица Андреева, Ружица Николовска, Даниела Димовска, Елена Кочоска, Ирена Алексиоска-Папестиев, Маре Богева-Мицовска, Наташа Јанушева, Билјана Кузманоска, Ивана Лазаревска, Дијана Илиевска, Драгана Арсова, Катерина Димитровска, Анета Марковска-Илиевска, Даниела Трпеска, Марија Нацева, Бети Стаменкоска-Трајкоска и Наталија Димитриева.