Исчезна момче од Општина Долнени. 

Полицијата трага по 11-годишно момче од селото Десово, Општина Долнени, кое е пријавено за исчезнато откако се оддалечило од семејниот дом.

Случајот синоќа во 20:30 часот е пријавен во полиција.

Според информацијата од Министерството за внатрешни работи, 34-годишниот А.У. пријавил дека неговиот 11-годишен внук се оддалечил од домот и дека семејството не може да го пронајде.

По пријавата, полициски службеници започнале со мерки и активности за пронаоѓање на детето и утврдување на околностите под кои се оддалечило.