Шпанските разузнавачки служби проценуваат дека Мароко свесно ја намалило граничната контрола и дозволило десетици илјади мигранти да стигнат до шпанската енклава Сеута.

Според шпанските медиуми, Рабат не го организирал почетокот на бранот, но го искористил за политички притисок врз Мадрид и за повторно отворање на прашањето за Сеута и Мелиља, кои Мароко ги смета за своја територија.

Во Сеута наводно пристигнале меѓу 40.000 и 60.000 луѓе. Кризата започнала по ширењето лажни информации на социјалните мрежи дека Шпанија нема да ги враќа мигрантите што ќе стигнат до градот по морски пат.

Мароко ги отфрла обвинувањата и тврди дека приливот бил поттикнат од криумчарски мрежи, погрешно толкувана судска одлука и дезинформации на интернет.

Слична криза се случи и во мај 2021 година, кога околу 10.000 мигранти влегоа во Сеута за само два дена, откако мароканските гранични сили престанаа да ги спречуваат.