Во Колумбија спасувачите и граѓаните успеаја да извлечат шестмесечно бебе од урнатините на зграда.

Луѓето се здружија за да ги расчистат бетонот и остатоците, брзајќи да стигнат до детето. Откако бебето беше извлечено, спасувачките екипи продолжија со потрагата по мајката.

Спасувачите потоа успеаја да ја извлечат мајката од урнатините; таа излезе покриена со крв и прашина. 

Rescuers in Colombia found a newborn baby alive under the rubble following a horrific 7.4-magnitude earthquake pic.twitter.com/WfsCsEGc5U

— Catch Up (@CatchUpFeed) August 11, 2026

Локалните власти во вторникот соопштија дека бројот на загинати во земјотресот во Колумбија се искачил на 224. 

Како исчезнати се водат речиси 200 лица. Земјотрес со јачина од 7,4 степени вчера ја погоди Колумбија.

Епицентарот на земјотресот бил регистриран во близина на Сан Хозе дел Палмар, околу 400 километри западно од главниот град Богота. Силните потреси биле почувствувани и во соседните Еквадор, Венецуела и Панама.

Овој земјотрес е најсилниот што ја погодил Колумбија од 1970 година, кога во земјата бил регистриран потрес со магнитуда од 8 степени.

Колумбискиот земјотрес се случи само 47 дена по разорните земјотреси што во јуни ја погодија Венецуела, каде загинаа повеќе од 5.000 луѓе.

Со земјотресот во Колумбија, бројот на земјотреси со јачина од 7 степени или поголема во светот во 2026 година достигна десет.