Индија нема да купува нови руски борбени авиони од семејството Сухој, вклучително и Су-57, во блиска иднина, изјави секретарот на Министерството за одбрана Раџеш Кумар Синг.

Синг рече дека властите во моментов се фокусираат на модернизација на постојните авиони, наместо на набавка на нови авиони. Индија веќе управува со околу 260 ловци Су-30МКИ, кои се произведуваат под руска лиценца.

Секретарот на индиското Министерство за одбрана, зборувајќи за евентуалното купување на нови авиони Сухој, рече: „Не, не сме разгледувале нови авиони Сухој. Индија активно работи на модернизација на постојните Сухој, кои ги произведуваме под руска лиценца“.

Според порталот „Дефенс секјурити Азија“, руската страна претходно ѝ понудила на Индија купување помеѓу 36 и 40 авиони Су-57. Рускиот претседател Владимир Путин во јуни изјави дека Москва е подготвена да испорача ловци Су-57 на Њу Делхи.

Оваа изјава укажува дека во моментов Индија дава приоритет на подобрувањето на постојниот парк на ловци, додека евентуалното купување нови руски ловци не е планирано во блиска иднина.

foto printskrin youtube